×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

ნეოსეპტი (ბენზიდამინი) 0,15% 30მლ სპრეი

14.5 GEL

ბრენდი
ნეოფარმი
ფასი
14.5 GEL
ქვეყანა
საქართველო
დეტალური აღწერა:

არასტეროიდული ანთების საწინააღმდეგო საშუალება.
საერთაშორისო დასახელება: Benzydamine.
წამლის ფორმა: ორალური სპრეი ადგილობრივი გამოყენებისთვის.
შემადგენლობა:  
აქტიური სუბსტანცია: ბენზიდამინის ჰიდროქლორიდი - 0,15გ/100მლ.

დამხმარე ნივთიერებები: ეთილის სპირტი, მეთილპარაბენი, მენთოლი, საქარინი, გლიცერინი, ლიმონის ზეთი, გამოხდილი წყალი.
ფარმაკოლოგიური მოქმედება: 
ფარმაკოდინამიკა. ბენზიდამინის ჰიდროქლორიდი წარმოადგენს ინდაზოლების ჯგუფის არასტეროიდულ ანთების საწინააღმდეგო საშუალებას, რომელიც ხასიათდება გამოხატული ანთების საწინააღმდეგო, ტკივილგამაყუჩებელი და შეშუპების საწინააღმდეგო მოქმედებით.
პრეპარატის მოქმედების მექანიზმი დაკავშირებულია უჯრედოვანი მემბრანის სტაბილიზაციასა და პროსტაგლანდინების სინთეზის ინჰიბირებასთან. 
ფარმაკოკინეტიკა. ადგილობრივი გამოყენებისას ბენზიდამინი კარგად შეიწოვება ლორწოვანი გარსიდან და აღწევს ანთებით კერაში. 
ბენზიდამინის ჰიდროქლორიდი მეტაბოლიზირდება ორგანიზმში და მეტაბოლიტების სახით გამოიყოფა თირკმლებითა და კუჭ-ნაწლავის ტრაქტის გავლით.
ჩვენებები:  
• პირის ღრუსა და  ყელის ანთებითი დაავადებები: ანგინა, ფარინგიტი, ლარინგიტი, ტონზილიტი, სტომატიტი, გინგივიტი, გლოსიტი (მათ შორის, ქიმიოთერაპიისა და სხივური თერაპიის შემდეგ); 
• ოპერაციული ჩარევებისა და ტრავმების შემდეგ (ტონზილექტომია, ყბის მოტეხილობა და ა.შ.);
• ტკივილი და ანთება კბილის ამოღების ან სხვა სამედიცინო მანიპულაციების შემდეგ;
• კანდიდოზი (კომბინირებულ თერაპიაში ჩართვისას);
• კალკულოზური სანერწყვე ჯირკვლების ანთება;
• პაროდონტოზი;
გამოყენების წესი და დოზირება:
გამოყენების წინ სპრეის გამფრქვევი ასწიეთ ფლაკონისადმი ვერტიკალურ პოზიციაში, დაუმიზნეთ პირის ღრუში ანთებით კერას და შეასხურეთ დოზატორზე თითის დაჭერით. 
შენიშვნა: ფლაკონის პირველად გამოყენების შემთხვევაში, საჭიროა დოზატორზე 2-3-ჯერ დამატებითი დაჭერა, რათა ხსნარმა შეავსოს გამფრქვევის მილი. 
მოზრდილებში და ხანდაზმულებში: 2 შესხურება 4-8-ჯერ დღეში, 1,5 – 3 საათის ინტერვალით.
ბავშვებში 6-დან 12 წლამდე: 2 შესხურება 1,5 – 3 საათის ინტერვალით, 4-ჯერ დღეში. 
ბავშვებში 3-დან 6 წლამდე: 1-2 შესხურება სხეულის ყოველ 4კგ წონაზე 1,5 – 3 საათის ინტერვალით, მაქსიმუმ 4 შესხურება დღე-ღამეში.
საჭიროების შემთხვევაში, ექიმის დანიშნულების მიხედვით, შეიძლება პრეპარატის გამოყენების ჯერადობა გაიზარდოს 5-მდე.
მკურნალობის ხანგრძლივობა 4-5 დღეა. თუ ამ პერიოდში არ დადგა სასურველი ეფექტი, საჭიროა ექიმის კონსულტაცია.
ნუშურებზე შესხურების საჭიროებისას გამფრქვევი მიმართეთ შესაბამისად ყელის მარცხენა და მარჯვენა მხარეს და განახორციელეთ შეფრქვევა.
გვერდითი მოვლენები:
ადგილობრივი რეაქციები: პირის სიმშრალე, პირის ღრუში ქსოვილების დაბუჟების და/ან წვის შეგრძნება.
ალერგიული რეაქციები: კანზე გამონაყარი.
ძალიან იშვიათად - ლარინგოსპაზმი.
განსაკუთრებული მითითებები და სიფრთხილის ზომები:
ინფექციურ-ანთებითი დაავადებებისას პრეპარატი გამოიყენება კომბინირებულ თერაპიაში ჩართვის სახით. 
თუ პეპარატის გამოყენებისას ვითარდება წვის შეგრძნება, მაშინ პრეპარატი წინასწარ უნდა განვაზაოთ წყლით. 
პრეპარატი სიფრთხილით უნდა დაინიშნოს ორსულობისა და ლაქტაციის პერიოდში.
სპრეის გამოყენებისას უნდა მოვერიდოთ ხსნარის თვალში შესხურებას. 
უკუჩვენება: მომატებული მგრძნობელობა პრეპარატის შემადგენელი კომპონენტების მიმართ.
ორსულობა და ლაქტაცია: სპრეის გამოყენება შესაძლებელია ორსულობისა და ლაქტაციის პერიოდში.
ურთიერთქმედება სხვა სამკურნალო საშუალებებთან ან სხვა სახის ურთიერთქმედება:  არ არის გამოვლენილი.
დოზის გადაჭარბება:  ამჟამად ბენზიდამინის გადაჭარბების შემთხვევების შესახებ ინფორმაცია არ მოიპოვება.  
გავლენა ავტოტრანსპორტისა და მექანიზმების მართვის უნარზე: არ ახდენს ზემოქმედებას ავტოტრანსპორტისა და მექანიზმების მართვის უნარზე.
გამოშვების ფორმა:  30მლ ხსნარი მუქი ნარინჯისფერი პოლიმერული მასალის ფლაკონში გამფრქვევით. ფლაკონი მოთავსებულია მუყაოს კოლოფში ინსტრუქციასთან ერთად.
შენახვის წესი: ინახება სინათლისგან დაცულ ადგილზე, არაუმეტეს 25°C ტემპერატურის პირობებში.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
ვარგისიანობის ვადა: 2 წელი.

გაზიარება: