×
ჰიგიენური საშუალებები
მედიკამენტები
თავის მოვლა
კოსმეტიკა
Beurer - აპარატები
საბავშვო
შეთავაზებები
ფილიალები
აქცია
neoshop

წყალბადის ზეჟანგი 3% 100მლ ხსნარი

2.5 GEL

ბრენდი
ნეოფარმი
ფასი
2.5 GEL
ქვეყანა
საქართველო
დეტალური აღწერა:

ანტისეპტიკური საშუალება
წამლის ფორმა: ხსნარი.

ათქ კოდი: D08AX01.

შემადგენლობა: პერჰიდროლი 10გ; ანტიფებრინი 0,05გ; წყალი 100მლ-მდე.

ფარმაკოლოგიური მოქმედება: წყალბადის ზეჟანგი წარმოადგენს ოქსიდანტების ჯგუფის ანტისეპტიკურ საშუალებას. იგი ხასიათდება ჰემოსტატური, დეზოდორაციული, მადეზინფიცირებელი ეფექტით. წყალბადის ზეჟანგი დაზიანებულ კანთან და ლორწოვან გარსებთან კონტაქტისას ფერმენტ კატალაზას და პეროქსიდაზას ზემოქმედებით იშლება აქტიური ჟანგბადის გამოთავისუფლდებით, რაც ქმნის არახელსაყრელ პირობებს მიკროორგანიზმების განვითარებისთვის (განსაკუთრებით  ანაერობული და ჩირქმბადი ფლორისთვის). თუმცა წყალბადის ზეჟანგის ანტისეპტიკური მოქმედება არ იწვევს სტერილიზაციას. მისი გამოყენებისას ხდება მიკროორგანიზმების რაოდენობის მხოლოდ დროებითი შემცირება. ჭრილობების ხსნარით დამუშავებისას ხდება ორგანული ნაერთების: პროტეინების, სისხლის, ჩირქის დაშლა (დაჟანგვა) და ზედაპირის დამაბინძურებელი ნაწილაკებისგან, წვრილი უცხო სხეულაკებისგან, სისხლის კოლტებისგან მექანიკური გასუფთავება უხვად ქაფწარმოქმნის ხარჯზე. აქაფება ხელს უწყობს თრომბის ფორმირებას და წვრილი სისხლძარღვებიდან სისხლდენის შეჩერებას.

ჩვენება:
•    გამორეცხვებისთვის და გამოსავლებად სტომატიტების, ანგინის, გინეკოლოგიური დაავადებებისას;
•    მცირე ზომის ზედაპირული ჭრილობები, მცირე კაპილარული სისხლდენები ზედაპირული ჭრილობებიდან, სისხლდენა ცხვირიდან.

გამოყენების წესი და დოზირება: გარეგანად (ჭრილობების დასამუშავებლად) გამოიყენება წყალბადის ზეჟანგის 1% ხსნარი. პირის ღრუსა და ყელში გამოსავლებად გამოიყენება 0,25% ხსნარი.

სხვა პრეპარატებთან ურთიერთქმედება: წყალბადის ზეჟანგის ხსნარი არასტაბილურია ტუტე არეში, ლითონების მარილების, ზოგიერთი ოქსიდანტის რთული რადიკალების თანაარსებობისას, ასევე სინათლესა და სითბოში.

გვერდითი მოვლენები: შესაძლებელია: ჭრილობის დამუშავებისას წვის შეგრძნების განვითარება; ცალკეულ შემთხვევებში – ალერგიული რეაქციები.

უკუჩვენებები: მომატებული მგრძნობელობა წყალბადის ზეჟანგისადმი.

განსაკუთრებული მითითებები: არ გამოიყენებენ ღრუებში შესაყვანად.

ჭარბი დოზირება: მონაცემები არ მოიპოვება.

ორსულობა და ლაქტაციის პერიოდი: ორსულობისა და ლაქტაციის დროს პრეპარატის გამოყენება შესაძლებელია.


ტრანსპორტისა და მექანიზმების მართვა: არ ახდენს გავლენას;

გამოშვების ფორმა: 50მლ, 100მლ ხსნარი მუქი ნარინჯისფერი შეფერილობის პოლიმერული მასალის ან მინის ფლაკონებში;
25მლ, 80მლ ხსნარი თეთრი შეფერილობის პოლიმერული მასალის სპრეის ფლაკონებში გამფრქვევით.

გაცემის წესი: ფარმაცევტული პროდუქტის ჯგუფი III,  გაიცემა რეცეპტის გარეშე.

ვარგისიანობის ვადა: 2 წელი.

შენახვის პირობები: ინახება გრილ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.

გაზიარება: