ქაცვის ზეთი 50მლ

წამლის ფორმა: ზეთი.

ათქ კოდი:  А16АХ. 

წამლის ფორმა: ზეთოვანი ხსნარი შინაგანი და გარეგანი გამოყენებისთვის.

ფარმაკოლოგიური ჯგუფი: სხვა პრეპარატები კუჭ-ნაწლავის ტრაქტის დაავადებების მკურნალობისა და ნივთიერებათა ცვლის რეგულაციისთვის.

დახასიათება: მოწითალო-ნარინჯისფერი შეფერილობის ზეთოვანი სითხე, სპეციფიკური სუნით და გემოთი.

შენიშვნა: დასაშვებია უმნიშვნელო ნალექის არსებობა, რომელიც იხსნება 40°C  ტემპერატურამდე გაცხელებით.

შემადგენლობა:  მზადდება ქაცვის ნაყოფებისაგან (Hippophaes   ramnoides). 

დამხმარე ნივთიერება: მზესუმზირის ზეთი. 

ქაცვის ზეთი შეიცავს ბიოლოგიურად აქტიურ ნივთიერებებს: კაროტინს და კაროტინოიდებს (არანაკლებ 50მგ%), ტოკოფეროლებს, ოლეინის, ლინოლენის, პალმიტინის, სტეარინის მჟავების გლიცერიდებს, სტერინებს.

ფარმაკოლოგიური მოქმედება:

ხელს უწყობს ჭრილობების და წყლულების შეხორცებას ქსოვილების ეპითელიზაციის და გრანულაციის დაჩქარების გზით. გააჩნია ანთების საწინააღმდეგო, ტკივილგამაყუჩებელი, ანტიბაქტერიული, ჰეპატოპროტექტორული მოქმედება. ღვიძლის ქსოვილში ზრდის ცილების (ნუკლეინის მჟავების) შემცველობას, აუმჯობესებს ლიპიდების ცვლას და მათი პეროქსიდული დაჟანგვის პროცესებს მემბრანებში. სისხლის შრატში აქვეითებს საერთო ქოლესტერინის, ბეტა-ლიპოპროტეიდების და საერთო ლიპიდების რაოდენობას, რაც აფერხებს ათეროსკლეროზული პროცესის განვითარებას.

ჩვენება: გამოიყენება კომპლექსურ თერაპიაში შემდეგი ჩვენებებით:

პერორალურად მისაღებად:

• კუჭის და თორმეტგოჯა ნაწლავის წყლულოვანი დაავადებები;

• რეფლუქს-ეზოფაგიტი;

• საყლაპავის კიბოს სხივური თერაპია.

გარეგანი გამოყენებისთვის:

• კანის და ლორწოვანი გარსების დაზიანები (თერმული, სხივური, ქიმიური);

• ტროფიკული წყლულები;

• ნაწოლები;

• კანის სხვადასხვა დაავადებები გაჭიანურებული ეპითელიზაციის პროცესით;

• საშვილოსნოს ყელის ეროზია; 

• კოლპიტები; 

• ვაგინიტები;

• თვალის დამწვრობა;

• რქოვანას მცოცავი წყლული;

• პულპიტები;

• პერიოდონტიტი.

მიღების წესი და დოზირება:

პერორალურად: 1 ჩაის კოვზი ქაცვის ზეთი (5მლ) 2-3-ჯერ დღეში საკვების მიღების წინ. მკურნალობის კურსის ხანგრძლივობა – 10-14 დღე.

გარეგანად: ზეთოვანი საფენების სახით (გრანულატის წარმოქმნამდე). დაზიანებული უბანი წინასწარ უნდა გასუფთავდეს ნეკროზული ქსოვილებისგან.

გინეკოლოგიურ პრაქტიკაში:

კოლპიტების და ენდოცერვიციტების დროს: ზეთი ისმება ლორწოვან გარსზე (საჭიროა ზედაპირის წინასწარი დამუშავება ბამბის ტამპონით). 

საშვილოსნოს ყელის ეროზიის დროს: ქაცვის ზეთით გაჟღენთილი ტამპონი (5-10მლ ზეთი ტამპონზე) თავსდება ეროზირებულ ზედაპირზე, ტამპონი იცვლება ყოველდღიურად. 

კოლპიტების, ენდოცერვიციტისა და ეროზიის მკურნალობის კურისია 8-12 პროცედურა. აუცილებლობის შემთხვევაში შეიძლება მკურნალობის კურსის განმეორება 4-6 კვირის შემდეგ. 

დოზის გამოტოვების შემთხვევაში შემდგომი დოზის მიღება უნდა მოხდეს პირვანდელი სქემის მიხედვით.

უკუჩვენება: პრეპარატის ინდივიდუალური შეუთავსებლობა, ნაღვლის ბუშტის, ღვიძლის, კუჭქვეშა ჯირკვლის მწვავე ანთებითი დაავადებები, ნაღვლკენჭოვანი დაავადება.

გვერდითი მოვლენები: სიმწარის შეგრძნება პირის ღრუში (პერორალურად მიღებისას), წვის შეგრძნება (გარეგანი გამოყენებისას), პრეპარატის ინდივიდუალური შეუთავსებლობა. 

ორსულობისა და ლაქტაციის პერიოდი: პრეპარატი სიფრთხილით უნდა დაინიშნოს ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან ან სხვა სახის ურთიერთქმედება: ქაცვის ზეთის სხვა სამკურნალო საშუალებებთან ურთიერთქმედების შედეგად ადამიანის ორგანიზმზე პათოლოგიური ზემოქმედება არ დაფიქსირებულა.

ზემოქმედება ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე: არ ახდენს ზემოქმედებას.

განსაკუთრებული მითითებები: პრეპარატი სიფრთხილით უნდა დაინიშნოს ალერგიული რეაქციებისადმი მიდრეკილ ავადმყოფებში, ბავშვებში, ორსულ და მეძუძურ ქალებში.

სიფრთხილე: პრეპარატის მიღებამ შეიძლება გამოიწვიოს საფაღარათო მოქმედება.

გამოყენების წინ ფლაკონი უნდა შეანჯღრიოთ!

დოზის გადაჭარბება: დოზის გადაჭარბების შემთხვევაში შეიძლება განვითარდეს გულისრევა, ღებინება, თავის ტკივილი, გონების დაბინდვა, გამონაყარი კანზე. გამონაკლის შემთხვევაში - შოკური მდგომარეობა.  

მკურნალობა: კუჭის ამორეცხვა, გააქტივებული ნახშირის ან სხვა ადსორბენტების მიღება. 

გამოშვების ფორმა: 50მლ მუქი ნარინჯისფერი მინის ან პოლიმერული მასალის ფლაკონში საცობით და მიხრახნილი თავსახურით.

შენახვის პირობები: ინახება სინათლისგან დაცულ, გრილ და ბავშვებისთვის მიუწვდომელ ადგილზე.

ვარგისიანობის ვადა: 1,5 წელი.

ვარგისობის ვადის ამოწურვის შემდეგ პრეპარატის გამოყენება დაუშვებელია.

ვიზუალური დათვალიერებისას აღმოჩენილი დეფექტების შემთხვევაში პრეპარატის მიღება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი III – გაიცემა რეცეპტის გარეშე.

მწარმოებელი: შ.პ.ს ,,ნეოფარმი’’.

საქართველო. თბილისი. დ. აღმაშენებლის ხეივანი მე-12 კმ;

ტელ/ფაქსი: + 995 (32) 259-64-46;   259-57-90;