ნაფტიზინი ნეო 0,1%

GEL 1
ბრენდი
ნეოფარმი
ფასი
GEL 1
ქვეყანა
საქართველო
ნანახია
131

გაზიარება:

დეტალური აღწერა:

წამლის ფორმა:   0,1% და 0,05% ნაზალური წვეთები.
 
ფარმაკოლოგიური ჯგუფი: ალფა-ადრენომიმეტური საშუალება;
 
შემადგენლობა: 
ნაფაზოლინის ნიტრატი - 1მგ/1მლ (0,1% ხსნარი) ან 0,5მგ/1მლ (0,05% ხსნარი);
დამხმარე ნივთიერებები: ბორის მჟავა, გამოხდილი წყალი.
 
ფარმაკოლოგიური მოქმედება: 
ფარმაკოდინამიკა: ,,ნაფტიზინი ნეო” მიეკუთვნება ადგილობრივ სისხლძარღვთა შემავიწროებელ საშუალებათა ჯგუფს ალფა-ადრენომიმეტური აქტივობით. იგი იწვევს ცხვირის ლორწოვანის სისხლძარღვების შევიწროებას, ამცირებს ცხვირისა და ხახის ლორწოვანი გარსის შეშუპებას, ჰიპერემიას, ექსუდაციას. აღადგენს ცხვირის გამტარობას და აადვილებს ცხვირით სუნთქვას სურდოს დროს, ასევე აფართოვებს თვალის გუგას და ამცირებს ადგილობრივი საანესთეზიო საშუალებების შეწოვას. 
ფარმაკოკინეტიკა: ადგილობრივად გამოყენებისას ,,ნაფტიზინი ნეო” პრაქტიკულად არ შეიწოვება და არ გააჩნია სისტემური მოქმედება. პერიფერიული სისხლძარღვების შევიწროვების გამო პრეპარატის შეწოვა და რეზორბციული მოქმედება ქვეითდება. 
პრეპარატის თერაპიული ეფექტი ვლინდება მისი გამოყენებიდან 5 წთ-ში და გრძელდება 8 სთ-ის განმავლობაში. მისი ხშირი გამოყენების შემთხვევაში მოქმედების ხანგრძლივობა მცირდება 6 სთ-მდე.  
ხანგრძლივი და ხშირი გამოყენების შემთხვევაში პრეპარატი ნაწილობრივ შეიწოვება და ავლენს რეზორბციულ ადრენომიმეტურ ეფექტს (არტერიული წნევის მომატება).  
ჩვენებები:  
• მწვავე რინიტი;
• სინუსიტი;
• ევსტაქიტი;
• ლარინგიტი;
• ჰაიმორის წიაღის ანთება;
• ავადმყოფის მოსამზადებლად რინოსკოპული და სხვა დიაგნოსტიკური  
        მანიპულაციების ჩასატარებლად;
• ცხვირიდან სისხლდენის შესაჩერებლად;
• ალერგიული კონიუნქტივიტი;
•  ადგილობრივი მოქმედების სამკურნალო საშუალებების შეწოვის შენელება. 
 
უკუჩვენებები: მომატებული მგრძნობელობა პრეპარატის მიმართ, არტერიული ჰიპერტენზია, ტაქიკარდია, ქრონიკული რინიტი, გულის უკმარისობა, ფარისებრი ჯირკვლის გადიდება, შაქრიანი დიაბეტი, 1 წლამდე ასაკის ბავშვები; 
 
მიღების წესი და დოზირება: ,,ნაფტიზინი ნეო” გამოიყენება ინტრანაზალურად. 
0,05% ნაზალური წვეთები გამოიყენება ბავშვებში 1-დან 15 წლამდე: 
1-დან 6 წლამდე ასაკის ბავშვებში - 1-2 წვეთი თითოეულ ნესტოში 1-3-ჯერ დღეში. 
6-დან 15 წლამდე ასაკის ბავშვებში - 2 წვეთი თითოეულ ნესტოში 1-3-ჯერ დღეში.
1 წლამდე ასაკის ბავშვებში პრეპარატი არ გამოიყენება. კონიუნქტივიტების დროს 0,05%-იანი ხსნარის 1-2 წვეთს აწვეთებენ კონიუნქტივის ღრუში. 
0,1% ნაზალური წვეთები გამოიყენება მოზრდილებში და 15 წელზე მეტი ასაკის ბავშვებში: 1-3 წვეთი თითოეულ ნესტოში 1-3-ჯერ დღეში.
ცხვირიდან სისხლდენის შემთხვევაში რეკომენდებულია პრეპარატით დასველებული ტამპონის გამოყენება.  
დიაგნოსტიკური მანიპულაციების ჩასატერებლად: თითოეული ნესტოს გასუფთავების შემდეგ, აწვეთებენ პრეპარატის 3-4 წვეთს ან ათავსებენ პრეპარატით დასველებულ ტამპონს 1-2 წთ-ის განმავლობაში.  
ადგილობრივი საანესთეზიო საშუალებების შეწოვის შენელებისთვის 1მლ საანესთეზიო ხსნარს უმატებენ 2-4 წვეთ 0,1%-იან ხსნარს.  
მკურნალობის ხანგრძლივობა არ უნდა აღემატებოდეს 7 დღეს. 
გვერდითი მოვლენები: რეკომენდებული დოზის გამოყენების შემთხვევაში პრეპარატი კარგად გადაიტანება. ,,ნაფტიზინი ნეო”-ს ხშირი და/ან ხანგრძლივი გამოყენებისას აღინიშნება შემდეგი გვერდითი მოვლენები: ცხვირ-ხახის ლორწოვანი გარსის გაღიზიანება, სიმშრალე, წვის შეგრძნება. იშვიათად - ცხვირის ლორწოვანი გარსის შეშუპება, არტერიული წნევის მომატება, არითმია, თავბრუსხვევა, თავის ტკივილი, გულისრევა.
განსაკუთრებული მითითებები: არ არის რეკომენდებული პრეპარატის ხანგრძლივად გამოყენება, ვინაიდან მცირდება მისი სისხლძარღვების შემავიწროებელი ეფექტი. მის მიმართ ქვეითდება მგრძნობელობა, რაც ამცირებს პრეპარატის ეფექტურობას.  
ფლაკონი განკუთვნილია ინდივიდუალური გამოყენებისთვის. დაუშვებელია მისი სხვა პირებისთვის გადაცემა ინფექციის შესაძლო გავრცელების თავიდან ასაცილებლად. 
 
დოზის გადაჭარბება: 
სიმპტომები: გვერდითი მოვლენების გაძლიერება. 
მკურნალობა: დოზის გადაჭარბების შემთხვევაში პრეპარატის გამოყენება უნდა შეწყდეს. მკურნალობა სიმპტომურია. 
 
ორსულობა და ლაქტაცია: ,,ნაფტიზინი ნეო”-ს გამოყენება ორსულობისა და ლაქტაციის  პერიოდში არ არის რეკომენდებული. მისი მიღება შესაძლებელია მხოლოდ იმ შემთხვევაში, როცა დედისათვის მოსალოდნელი სარგებელი აღემატება ნაყოფზე უარყოფითი მოქმედების პოტენციურ რისკს.  
 
ურთიერთქმედება სხვა სამკურნალო საშუალებებთან ან სხვა სახის ურთიერთქმედება: ,,ნაფტიზინი ნეო” არ გამოიყენება მაო-ს ინჰიბიტორებთან ერთად, ვინაიდან შესაძლოა გამოიწვიოს არტერიული წნევის მომატება. მისი მიღების შეწყვეტიდან 14 დღის განმავლობაში ,,ნაფტიზინი ნეო”-ს გამოყენება არ არის რეკომენდებული.
პრეპარატი ამცირებს ადილობრივი საანესთეზიო საშუალებების შეწოვას.
 
გავლენა ავტოტრანსპორტისა და მექანიზმების მართვის უნარზე: პრეპარატმა შეიძლება გავლენა იქონიოს ავტოტრანსპორტისა და მექანიზმების მართვის უნარზე, ამიტომ სიფრთხილეა საჭირო იმ პაციენტებისათვის, რომელთა საქმიანობა ყურადღების კონცენტრირებასა და სწრაფ ფსიქომოტორულ რეაქციას მოითხოვს.
 
შეფუთვა: 
10მლ 0,05% და 0,1% ხსნარი პოლიმერული მასალის ფლაკონებში საწვეთურით. 
15მლ 0,1% ხსნარი პოლიმერული მასალის ფლაკონებში საწვეთურით. 
 
შენახვა:  ინახება სინათლისაგან დაცულ და ბავშვებისთვის მიუწვდომელ ადგილზე, 15-25°C ტემპერატურის პირობებში. 
ფლაკონის გახსნის შემდეგ პრეპარატი ვარგისია 1 თვის განმავლობაში. 
ვარგისობის ვადის გასვლის შედეგად პრეპარატის გამოყენება დაუშვებელია!
 
აფთიაქიდან გაცემის წესი: ფარმაცევტული პროდუქტის ჯგუფი III – გაიცემა ურეცეპტოდ.
 
ვარგისიანობის ვადა:  2 წელი.