×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

კატაბალახას ნაყენი 25 მლ

2.5 GEL

ბრენდი
ნეოფარმი
ფასი
2.5 GEL
ქვეყანა
საქართველო
დეტალური აღწერა:
წამლის ფორმა: შიგნით მისაღები წვეთები.
 
შემადგენლობა:
კატაბალახას ფესურები ფესვებით -5გ;
70%-იანი ეთილის სპირტი - საკმარისი რაოდენობით 25მლ ნაყენის მისაღებად.
 
ფარმაკოლოგიური მოქმედება: კატაბალახას ფესურასა და ფესვებში შემავალი ბიოლოგიურად აქტიური ნივთიერებები (ეთერზეთები, ვალერიანის და იზოვალერიანის მჟავა, ბორნეოლი, ალკალოიდები) ამცირებენ ცენტრალური ნერვული სისტემის აღგზნებადობას, აძიერებენ საძილე და სპაზმოლიზური საშუალებების მოქმედებას. 
 
ჩვენება: სხვადასხვა ფორმის ნევროზები: ვეგეტონევროზი, კლიმაქტერული ნევროზი; აგზნებულობა, უძილობა, დაძაბულობა.
 
უკუჩვენება: მომატებული მგრძნობელობა პრეპარატში შემავალი კომპონენტების მიმართ. 
 
მიღების წესი და დოზირება: მიიღება პერორალურად.
მოზრდილებში - 20-30 წვეთი 3-4-ჯერ დღეში. ბავშვებში - იმდენი წვეთი, რამდენი წლისაც არის ბავშვი. 
 
გვერდითი მოვლენები: პრეპარატი კარგად გადაიტანება. ხანგრძლივი მიღებისას შესაძლებელია ადგილი ჰქონდეს ემოციური რეაქციების დათრგუნვას, შრომისუნარიანობის დაქვეითებას, ძილიანობას, მოთენთილობას. 
ინდივიდუალურად მომატებული მგრძნობელობის შემთხვევაში შეიძლება განვითარდეს ალერგიული რეაქციები. 
 
ორსულობა და ლაქტაციის პერიოდი: პრეპარატის გამოყენება ორსულობისა და ლაქტაციის პერიოდში შესაძლებელია ექიმის დანიშნულებით.
 
 
ზემოქმედება ავტოტრანსპორტისა და მექანიზმების მართვის უნარზე: პრეპარატის მიღების შემთხვევაში სიფრთხილის დაცვაა საჭირო ავტოტრანსპორტისა და მექანიზმების მართვის დროს, რადგან გავლენას ახდენს ყურადღების კონცენტრირებისა და სწრაფი რეაგირების უნარზე.
 
დოზის გადაჭარბება: დიდი დოზებით ხანგრძლივად მიღებამ შესაძლებელია გამოიწვიოს ფსიქომოტორული რეაქციების სიჩქარის შემცირება.
 
ურთიერთქმედება სხვა სამკურნალო საშუალებებთან: პრეპარატის მიღება ცნს-ის დამთრგუნველ სამკურნალო საშუალებებთან ერთად იწვევს მათი მოქმედების პოტენცირებას.  
 
ვარგისიანობის ვადა: 3 წელი.
 
ვარგისობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.
 
შეფუთვა: 25მლ ნაყენი ნარინჯისფერი მინის ან პოლიმერული მასალის ფლაკონებში საწვეთურით და მიხრახნილი სახურავით.
 
შენახვა: ინახება 15-25°C ტემპერატურის პირობებში, სინათლისგან დაცულ და ბავშვებისთვის მიუწვდომელ ადგილზე.
 
აფთიაქიდან გაცემის წესი: ფარმაცევტული პროდუქტის ჯგუფი III – გაიცემა რეცეპტის გარეშე.
 
მწარმოებელი: შპს “ნეოფარმი”.
საქართველო. თბილისი. დავით აღმაშენებლის ხეივანი მე-12 კმ.
ტელ/ფაქსი: +995 (032) 259-64-46, 259-57-90.

გაზიარება: