×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

ქაფურის სპირტი 10% 50მლ

3.5 GEL

ბრენდი
ნეოფარმი
ფასი
3.5 GEL
ქვეყანა
საქართველო
დეტალური აღწერა:

გამოყენების ინსტრუქცია

ქაფურის სპირტი 10%

Spiritus Camphoratus 10%

 

ფარმაკოლოგიური ჯგუფი: ანტისეპტიკური, ადგილობრივ გამაღიზიანებელი მოქმედების მქონე საშუალება.

წამლის ფორმა: გარეგანი სპირტიანი ხსნარი.

შემადგენლობა:
ქაფურის სპირტი 10%.    
ქაფური   - 10გ, ეთილის სპირტი 70% - 100მლ-მდე.
 

აღწერა: უფერო, გამჭვირვალე სითხე ქაფურის სუნით.

ფარმაკოლოგიური მოქმედება: ქაფურის სპირტი ხასიათდება ადგილობრივ გამაღიზიანებელი, ანტისეპტიკური, ანთების საწინააღმდეგო და ანალგეტიკური მოქმედებით. აღიზიანებს მგძნობიარე ნერვულ დაბოლოებებს, რეფლექტორულად აუმჯობესებს ორგანოებისა და ქსოვილების ტროფიკას. 

ფარმაკოკინეტიკა: ქაფურის სპირტი კანის ზედაპირიდან შეწოვისას ნაწილობრივ იჟანგება, დაჟანგვის პროდუქტები უკავშირდება გლუკურონის მჟავას და გამოიყოფა თირკმელებით. პრეპარატის დანარჩენი ნაწილი გამოიყოფა უცვლელი სახით სასუნთქი და სანაღვლე გზებით.  

ჩვენება: მიოზიტი, მიალგია, იშიაზი, ნაწოლების პროფილაქტიკა.

გამოყენების წესი და დოზირება: გარეგანად. ხსნარს შეიზელენ 2-3-ჯერ დღეში, მკურნალობის კურსი 7-10 დღე. 

გვერდითი მოვლენები: ჭინჭრის ციება, კანის გაღიზიანება, თავის ტკივილი, თავბრუსხვევა. 

უკუჩვენებები: მომატებული მგრძნობელობა პრეპარატში შემავალი კომპონენტების მიმართ, კანის საფარის მთლიანობის დარღვევა, კრუნჩხვებისადმი მიდრეკილება, ეგზემა, დერმატიტი. სიფრთხილით ინიშნება ბავშვთა ასაკში.

ჰიპერდოზირება: აგზნებადობა, ტაქიკარდია, კრუნჩხვები.

ორსულობა და ლაქტაცია: პრეპარატი სიფრთხილით ინიშნება ორსულობისა და ლაქტაციის პერიოდში.

ურთიერთქმედება სხვა სამკურნალო საშუალებებთან: პრეპარატის ურთიერთქმედება სხვა სამკურნალო საშუალებებთან აღწერილი არ არის.

გამოშვების ფორმა: 50მლ ხსნარი მუქი ნარინჯისფერი შეფერილობის პოლიმერული მასალის ან მინის ფლაკონებში;

გაცემის წესი:  ფარმაცევტული პროდუქტის III ჯგუფი - (გაცემის რეჟიმი: ურეცეპტოდ).

ვარგისიანობის ვადა:   3 წელი.

შენახვის პირობები: ინახება გრილ, სინათლისგან დაცულ და ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.

გაზიარება: