მრავალძარღვას სიროფი 130გრ

GEL 9.5
ბრენდი
ნეოფარმი
ფასი
GEL 9.5
ქვეყანა
საქართველო
ნანახია
107

გაზიარება:

დეტალური აღწერა:

ფარმაკოლოგიური ჯგუფი: მცენარეული წარმოშობის ამოსახველებელი საშუალება.

წამლის ფორმა: სიროფი

შემადგენლობა 130გ-ზე: 5,2გ მრავალძარღვას ფოთლების, 5,2გ ბალბის ბალახის, 2,6გ ქერიფქლას ბალახის ბიოლოგიურად აქტიური ნივთიერებები, 0,4გ ასკორბინის მჟავა, 96% ეთილის სპირტი, სორბინის მჟავა, შაქრის სიროფი.

პრეპარატში შემავალი მცენარეები შეიცავს ბიოლოგიურად აქტიურ ნივთიერებათა კომპლექსს: მწარე გლიკოზიდებს (აუკუბინსა და სხვ.) ფლავონოიდებს, მთრიმლავ ნივთიერებებს, კაროტინს, ასკორბინის მჟავას, პოლი- და მონოსაქარიდებს, ლორწოვან ნივთიერებებს, საპონინებს, ალკალოიდებს, კუმარინებს.

ფარმაკოლოგიური მოქმედება: მრავალძარღვას აქვს ამოსახველებელი, ანთების საწინააღმდეგო, ლორწოვან გარსებზე დამარბილებელი მოქმედება. აძლიერებს ბრონქების  ლორწოვანი გარსის მოციმციმე ეპითელის წამწამების მოძრაობას და ბრონქული ლორწოს სეკრეციას, იწვევს ნახველის გათხევადებას და აიოლებს მის გამოყოფას. სიროფს აქვს დამაწყნარებელი, გლუვი კუნთების სპაზმის მომხსნელი, სისხლძარღვთა გამაფართოებელი, მსუბუქი სედაციური მოქმედება. ქერიფქლაში არსებული ალკალოიდების ჯამი განგლიომაბლოკირებელი და სისხლძარღვთა გამაფართოებელი მოქმედებით იწვევს არტერიული წნევის დაქვეითებას.

ჩვენება:

• მშრალი ხველა;

• ხველა თამბაქოს მწეველებში.

უკუჩვენება:

• მომატებული მგრძნობელობა პრეპარატში შემავალი  კომპონენტების მიმართ;

• შაქრიანი დიაბეტი.

მიღების წესი და დოზირება: პერორალურად, საკვების მიღების წინ.

მოზრდილებში და ბავშვებში 12 წლის ზემოთ: 15მლ სიროფი 3-4_ჯერ დღეში;

ბავშვებში 1-დან 3 წლამდე: 2,5მლ სიროფი 2-3-ჯერ დღეში;

ბავშვებში 3-დან 6 წლამდე: 5მლ სიროფი 2-3-ჯერ დღეში;

ბავშვებში 6-დან 12 წლამდე: 10მლ სიროფი 2-3-ჯერ დღეში;

(შეიძლება მითითებული დოზების წყალში განზავებით მიღება).

მკურნალობის კურსის ხანგრძლივობა დგინდება ინდივიდუალურად ექიმის მიერ.

გვერდითი მოვლენები: ალერგიული რეაქციები: ქავილი, გამონაყარი, ჭინჭრის ციება, შეშუპება. საჭმლის მომნელებელი სისტემის მხრივ: გულძმარვა, გულისრევა.

დოზის გადაჭარბება: დოზის გადაჭარბების შემთხვევები არ დაფიქსირებულა.

ორსულობა და ლაქტაციის პერიოდი: პრეპარატის გამოყენება ორსულობისა და ლაქტაციის პერიოდში შესაძლებელია ექიმის დანიშნულებით.

ურთიერთქმედება სხვა სამკურნალო საშუალებებთან: პრეპარატის მიღება არ არის რეკომენდებული ხველის დამთრგუნველ პრეპარატებთან, ასევე ნახველის ფორმირების შემამცირებელ საშუალებებთან ერთად.

ზემოქმედება ავტოტრანსპორტისა და მექანიზმების მართვის უნარზე: პრეპარატის მიღება გავლენას არ ახდენს ავტოტრანსპორტისა და მექანიზმების მართვის უნარზე.

გამოშვების ფორმა:

პირველადი შეფუთვა: 130გ სიროფი ნარინჯისფერი მინის ან პოლიმერული მასალის  ფლაკონში.

მეორეული შეფუთვა: ერთი ფლაკონი მოთავსებულია მუყაოს კოლოფში ინსტრუქციასთან ერთად.

ვარგისობის ვადა:   2 წელი.

შენახვის პირობები: 15-25°C ტემპერატურის პირობებში, სინათლისგან დაცულ და ბავშვებისათვის მიუწვდომელ ადგილას.

ვარგისობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.

აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.