×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

ვენოლგელი 35გრ გელი ტუბში

12.5 GEL

ბრენდი
ნეოფარმი
ფასი
12.5 GEL
ქვეყანა
საქართველო
დეტალური აღწერა:
წამლის ფორმა: გელი გარეგანი გამოყენებისთვის.  
 
ATC Code: C05CX 
ფარმაკოლოგიური ჯგუფი: ვაზოპროტექტორები, კაპილარული ქსელის სხვა სტაბილიზატორები.
გელის შემადგენლობა: 
აქტიური ნივთიერებები: ცხენისწაბლას (Aesculus hippocastanum) ექსტრაქტი (Horse Chestnut extract)  – 2გ (20% ესცინის შემცველობით); ძიძოს (Melilotus officinalis) ექსტრაქტი (sweet clover extract) – 0,04გ; აზიური ცენტელას (Centella asiatica) ექსტრაქტი (Gotu Kola Extract) – 0,04გ. 
დამხმარე სუბსტანციები: დიმექსიდი, ნატრიუმის ბენზოატი, კარბომერი, პიტნის ზეთი, მენთოლი, გლიცერინი, პროპილენგლიკოლი, გამოხდილი წყალი.  
ფარმაკოლოგიური თვისებები: ,,ვენოლგელი’’-ს ფარმაკოლოგიურ ეფექტურობას განსაზღვრავს მის შემადგენლობაში შემავალი 3 ექსტრაქტის კომბინირება, რომლებიც ავსებენ და აძლიერებენ ერთმანეთის მოქმედებას და განსაზღვრავენ კომპლექსურ: ვენოტონურ, ანგიოპროტექტორულ, შეშუპების საწინააღმდეგო, გამაუტკივარებელ (ანალგეზურ)  ეფექტს.
ცხენისწაბლას ექსტრაქტის ფარმაკოლოგიური მოქმედება დაკავშირებულია მასში ბიოლოგიურად აქტიური ნივთიერების - ესცინის შემცველობასთან, რომელსაც აქვს გამოხატული ვენოტონური მოქმედება. ცხენისწაბლას ექსტრაქტი ზრდის ვენური სისხლძარღვების ტონუსს, აუმჯობესებს ვენურ სისხლის მიმოქცევას. ამავე დროს, ამცირებს კაპილარების კედლების განვლადობას, აუმჯობესებს მიკროცირკულაციას, აქვს გამოხატული ანთების საწინააღმდეგო ეფექტი. ესკულინი ასტიმულირებს სისხლის შრატის ანტითრომბოზულ აქტივობას, სისხლძარღვების რეტიკულოენდოთელიალურ სისტემაში ზრდის ანტითრომბინის გამომუშავებას. ესცინი ამცირებს სისხლის სიბლანტეს. ცხენისწაბლას ექსტრაქტი ანელებს სისხლის შედედების უნარს.
ძიძოს ექსტრაქტის ფარმაკოლოგიური მოქმედება დაკავშირებულია მასში ბიოლოგიურად აქტიური ნივთიერებების: კუმარინების (0,4-0,9%), კუმარინის მჟავის, დიკუმაროლის, მელილოტინის, ეთერზეთების შემცველობასთან. გარეგანი გამოყენების დროს ძიძოს ექსტრაქტს ახასიათებს ანტიკოაგუალაციური, ანტიკონვულსიური, ვენოპროტექტორული და ტკივილგამაყუჩებელი მოქმედება. 
აზიური ცენტელას ექსტრაქტს აქვს ანგიოპროტექტული მოქმედება, მნიშვნელოვნად აუმჯობესებს მიკროცირკულაციას და კაპილარების ტონუსს, გააჩნია ანტიექსუდაციური და კაპილარების განვლადობის შემამცირებელი მოქმედება. სისხლძარღვების განვლადობის შემცირება ხელს უშლის ცილოვანი მოლეკულების, ელექტროლიტების და წყლის გადასვლას მიმდებარე ქსოვილებში, რის შედეგადაც მცირდება ვენური უკმარისობის სიმპტომები: ქვედა კიდურების შეშუპება, სიმძიმის შეგრძნება, ტკივილი და ქავილი. აუმჯობესებს შემაერთებელი ქსოვილის ტროფიკას, უზრუნველყოფს მისი მთლიანობის შენარჩუნებას ვენების ელასტიკურობის გაუმჯობესების ხარჯზე. აზიური ცენტელა ასტიმულირებს მაკროფაგული ენზიმების პროტეოლიზურ აქტივობას, რითაც ახდენს ვენური უკმარისობის დროს შეშუპების ძირითადი გამომწვევი მიზეზის ლიკვიდაციას.
ჩვენებები
• ქვედა კიდურების ქრონიკული ვენური უკმარისობა; 
• სიმძიმე ფეხებში, ტკივილი, ღამის კრუნჩხვები, ტროფიკული დარღვევები; 
• ბუასილი, ბუასილის პოსტოპერაციული პროფილაქტიკა, ბუასილის რეციდივების პროფილაქტიკა, ბუასილის პროფილაქტიკა შეკრულობის დროს;  
• პოსტოპერაციული შეშუპება;
• მასტექტომიის შემდგომი შეშუპება.  
უკუჩვენება: ინდივიდუალური აუტანლობა პრეპარატში შემავალი კომპონენტების მიმართ, ორსულობა, ლაქტაციის პერიოდი, ანტიკოაგულანტების ერთდროული მიღება.
გვერდითი მოვლენები: პრეპარატი ძირითადად კარგად გადაიტანება ორგანიზმის მიერ. იშვიათად შესაძლებელია განვითარდეს ალერგიული რეაქციები.  
გამოყენების წესი და დოზირება: გამოიყენება გარეგანად. გელი უნდა დაიტანოთ პრობლემურ უბანზე და შეიზილოთ კანში, დღეში 2-3-ჯერ. გელის გამოყენება რეკომენდირებულია არანაკლებ 2-3 თვის განმავლობაში. 
ურთიერთქმედება სხვა სამკურნალო საშუალებებთან: არ არის რეკომენდირებული ანტიკოაგულანტებთან ერთდროული გამოყენება. 
დოზის გადაჭარბება: მონაცემები არ მოიპოვება. 
ზემოქმედება ავტოტრანსპორტისა და მექანიზმების მართვის უნარზე: პრეპარატის მიღება არ ახდენს გავლენას ავტოტრანსპორტისა და მექანიზმების მართვის უნარზე.
შენახვის პირობები: ინახება არაუმეტეს 25˚C  ტემპერატურის პირობებში, სინათლისაგან დაცულ და ბავშვებისთვის მიუწვდომელ ადგილზე.
გამოშვების ფორმა: 35გ გელი 
 
ვარგისობის ვადა: 2 წელი.
ვარგისობის ვადის ამოწურვის შემდეგ პრეპარატის გამოყენება დაუშვებელია.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი: შპს ,,ნეოფარმი''.
საქართველო. თბილისი. დავით აღმაშენებლის ხეივანი მე-12 კმ. 
ტელ/ფაქსი: +995 (032) 259-64-46; 259-57-90. 

გაზიარება: