×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

ნეოგრა (სილდენაფილი) N2 კაფსულა

15.4 GEL

აირჩიეთ დოზა:

ბრენდი
ნეოფარმი
ფასი
15.4 GEL
ქვეყანა
საქართველო
დეტალური აღწერა:

ერექციის დისფუნქციის სამკურნალო პრეპარატი.


შემადგენლობა: აქტიური ნივთიერება (საერთაშორისო არაპატენტირებული სახელწოდება):  
სილდენაფილის ციტრატი - 50მგ; 100მგ;
დამხმარე ნივთიერებები: ლაქტოზა, სიმინდის სახამებელი, მაგნიუმის ან კალციუმის სტეარატი.

ათქ კოდი: GO4BEO3;

ფარმაკოლოგიური ჯგუფი: ერექციის დისფუნქციის სამკურნალო პრეპარატი.

ფარმაკოლოგიური მოქმედება:
ფარმაკოდინამიკა: სილდენაფილის ციტრატი აღადგენს ერექციის ფუნქციის დარღვევებს და უზრუნველყოფს ბუნებრივ პასუხს სექსუალურ აგზნებაზე. ერექციის ფიზიოლოგიური მექანიზმი გულისხმობს აზოტის ოქსიდის გამოთავისუფლებას მღვიმოვან სხეულში სექსუალური სტიმულაციის დროს. აზოტის ოქსიდი ააქტიურებს ფერმენტ გუანილატციკლაზას, რაც იწვევს ციკლური გუანოზინმონოფოსფატის (ცგმფ) დონის მომატებას,  მღვიმოვანი სხეულის გლუვი კუნთების მოდუნებას და სისხლის მიმოქცევის გაძლიერებას სასქესო ორგანოში. სილდენაფილი – ცგმფ-ის - მე-5 ტიპის სპეციფიური ფოსფოდიესთერაზის (ფდე 5) მძლავრი და სელექციური ინჰიბიტორია, რომელიც პასუხისმგებელია მღვიმოვან სხეულში ცგმფ-ის დაშლაზე. სილდენაფილი არ ახდენს პირდაპირ მომადუნებელ ზემოქმედებას მღვიმოვან სხეულზე, მაგრამ აქტიურად აძლიერებს აზოტის ოქსიდის მომადუნებელ ეფექტს ამ ქსოვილზე. სექსუალური აგზნების დროს სილდენაფილის გავლენით მღვიმოვან სხეულში გამოთავისუფლდება აზოტის ოქსიდი, რომელიც თრგუნავს ფდე 5 –ს და იწვევს ცგმფ-ის დონის მომატებას. საბოლოო ჯამში მღვიმოვანი სხეულის გლუვი კუნთები მოდუნდება და სისხლი გაძლიერებულად მიედინება სასქესო ორგანოში.
,,ნეო-გრა’’-ს სასურველი ფარმაკოლოგიური ეფექტის გამოვლინებისთვის აუცილებელია სექსუალური სტიმულაცია. ერთჯერადი მიღების დროს 100მგ-მდე დოზით ჯანმრთელ მოხალისეებში პრეპარატი არ იწვევს მნიშვნელოვან კლინიკურ ცვლილებებს ელექტროკარდიოგრამაზე. წოლით მდგომარეობაში სისტოლური არტერიული წნევის მაქსიმალური შემცირება სილდენაფილის ციტრატის 100მგ-მდე დოზით მიღების დროს შეადგენს საშუალოდ 8,4 მმ ვ.წ.ს-სა. ხოლო დიასტოლური წნევის შესაბამისი შემცირება - საშუალოდ 5,5 მმ ვ.წ.ს-ს. არტერიული წნევის შემცირება აიხსნება სილდენაფილის ვაზოდილატაციური ეფექტით, რაც შესაძლოა უკავშირდება სისხლძარღვების გლუვ კუნთებში ცგმფ-ის დონის მომატებას.
სილდენაფილი არ ახდენს გავლენას მხედველობის სიმახვილეზე და აღქმის კონტრასტულობაზე. ზოგიერთ პაციენტებში 100მგ-მდე დოზით მიღებიდან 1 საათის შემდეგ ვლინდება ფერთა გარჩევის მსუბუქი და გარდამავალი დარღვევა (ლურჯი/მწვანე); 2 საათის შემდეგ ეს ცვლილებები ქრება.

ფარმაკოკინეტიკა: სილდენაფილის ციტრატი სწრაფად შეიწოვება. პრეპარატის კონცენტრაცია პლაზმაში უზმოზე პერორალურად მიღების შემდეგ პიკს აღწევს 30-120 წთ-ის განმავლობაში (საშუალოდ 60წთ-ში). ბიოშეღწევადობაა 41%.
ცხიმოვან საკვებთან ერთად მიღებისას შეწოვის სიჩქარე ქვეითდება. Tmax იზრდება 60 წთ-ით და Tmax ქვეითდება 29%-ით.
შეწოვილი სილდენაფილის ციტრატის 96% უკავშირდება პლაზმის ცილებს.
სილდენაფილი უპირატესად მეტაბოლიზდება ღვიძლის СYP 3A4  და СYP 2С9  მიკროსომული იზოფერმენტების ზემოქმედებით. სილდენაფილის მ-დესმეთილირებით წარმოქმნილი მთავარი მეტაბოლიტი განიცდის შემდგომ მეტაბოლიზმს და ორგანიზმიდან ელიმინირდება განავალთან ერთად (დაახლოებით 80%), ნაკლებად – შარდთან ერთად (დაახლოებით 13%).  

გამოყენების ჩვენება:  ერექციის დარღვევა.

უკუჩვენება:
•    მომატებული მგრძნობელობა პრეპარატში შემავალი რომელიმე კომპონენტის მიმართ.
•    აზოტის ოქსიდისა და ცგმფ-ის ცვლაზე ზემოქმედების გამო სილდენაფილის ციტრატი აძლიერებს ნიტრატების ჰიპოტენზიურ მოქმედებას, ამიტომ მისი გამოყენება უკუნაჩვენებია ავადმყოფებში, რომლებიც ღებულობენ აზოტის ოქსიდის დონატორებს ან ნიტრატებს ნებისმიერი ფორმით.

დოზირება და მიღების ხერხები:  ,,ნეო-გრა’’-ს კაფსულები მიიღება პერორალურად.
რეკომენდირებული დოზა - 50მგ მიიღება დაგეგმილ სექსუალურ აქტივობამდე ერთი საათით ადრე. დოზა შეიძლება გაიზარდოს 100 მგ-მდე ან შემცირდეს 25 მგ-მდე ეფექტურობისა და პრეპარატის ამტანობის გათვალისწინებით. მაქსიმალური რეკომენდირებული დოზაა 100 მგ. მაქსიმალური რეკომენდირებული გამოყენების სიხშირეა – ერთჯერადი მიღება დღეში.
ხანშიშესულ ადამიანებსა და ღვიძლისა და თირკმელების ფუნქციების დარღვევების მქონე ავადმყოფებში რეკომენდირებულია გამოყენების იგივე სქემა.
ნეო-გრა ბავშვებში არ გამოიყენება.

გვერდითი მოვლენები: სილდენაფილის ციტრატით გამოწვეული გვერდითი მოვლენები მსუბუქი ან ზომიერი ხასიათისაა და გარდამავალი. შეიძლება განვითარდეს: თავბრუსხვევა, თავის ტკივილი, ვაზოდილატაცია, ჰიპოტენზია, ასთენია, ცხვირით სუნთქვის გაძნელება, ცრემლდენა, სინათლისა და ფერების აღქმის, მხედველობის სიზუსტის დარღვევა, დისპეფსია, დიარეა, გულისრევა, აბდომინალგია, ლუმბალგია, ართრალგია, მიალგია, კუნთების ჰიპერტონუსი, უძილობა, ქოშინი, გამონაყარი კანზე, გახანგრძლივებული და მტკივნეული ერექცია.  

უსაფრთხოების ზომები: ერექციის დარღვევის დიაგნოსტიკისთვის, მისი შესაძლო მიზეზების განსაზღვრისა და ადექვატური მკურნალობის შერჩევისთვის აუცილებელია სრული სამედიცინო ანამნეზის შეკრება და ამომწურავი ფიზიკალური გამოკვლევის ჩატარება. სექსუალური აქტივობა განსაზღვრულ რისკს წარმოადგენს გულის დაავადების დროს. ამასთან დაკავშირებით ნებისმიერი თერაპიის დაწყების წინ ერექციის დარღვევის დროს ექიმმა უნდა გამოიკვლიოს გულ-სისხლძარღვთა სისტემა.
,,ნეო-გრა’’-ს უსაფრთხოება და ეფექტურობა სხვა სამკურნალო საშუალებებთან კომბინაციაში გამოყენებისას, რომლებიც ერექციის დარღვევის მკურნალობისთვის გამოიყენება, არ არის შესწავლილი, ამიტომ მსგავსი კომბინაციები არ არის რეკომენდირებული.
ერექციის დარღვევების სამკურნალო პრეპარატები სიფრთხილით გამოიყენება პაციენტებში სასქესო ორგანოს ანატომიური დეფორმაციებით (ანგულაცია, კავერნული ფიბროზი ან პეირონის დაავადება) ან პაციენტებში, რომელთაც აღენიშნებათ მრავლობითი მიელომა, ნამგლისებრი ანემია ან ლეიკემია.
ავადმყოფთა მცირე ნაწილს თანდაყოლილი პიგმენტური რეტინიტით აქვთ ბადურას ფოსფოდიესთერაზების აქტივობის მემკვიდრეობითი დარღვევები. ასეთ ავადმყოფებში სილდენაფილის გამოყენების უსაფრთხოების შესახებ მონაცემები არ არსებობს და ამიტომ პრეპარატი სიფრთხილით გამოიყენება.

სხვა პრეპარატებთან ურთიერთქმედება: ციმეტიდინი (800მგ) წარმოადგენს СYP3A4 – ის არასპეციფიკურ ინჰიბიტორს, ნეო-გრასთან ერთად მიღებისას იწვევს სილდენაფილის კონცენტრაციის მომატებას პლაზმაში 56%-ით. კლინიკური გამოკვლევების შედეგების პოპულაციურმა ფარმაკოკინეტიკურმა ანალიზმა აჩვენა სილდენაფილის კლირენსის შემცირება ნეო-გრას СYP3A4 – ის ინჰიბიტორებთან ერთდროული გამოყენებისას (როგორიცაა კეტოკონაზოლი, ერითრომიცინი, ციმეტიდინი). თუმცა ამ პაციენტებში არასასურველი მოვლენების სიხშირე არ გაზრდილა.
ანტაციდის (მაგნიუმის ჰიდროქსიდის/ ალუმინის ჰიდროქსიდის) ერთჯერადი მიღება გავლენას არ ახდენს სილდენაფილის ბიოშეღწევადობაზე. პოპულაციური ფარმაკოკინეტიკური ანალიზის მონაცემების მიხედვით СYP2С9– ის ინჰიბიტორები (როგორიცაა ტოლბუტამიდი, ვარფარინი), СYP2D6– ის ინჰიბიტორები (როგორიცაა სეროტონინის უკუმიტაცების სელექტიური ინჰიბიტორები, ტრიციკლური ანტიდეპრესანტები), თიაზიდები და თიაზიდური დიურეტიკები, მარყუჟოვანი და კალიუმ შემანარჩუნებელი დიურეტიკები, კალციუმის ანტაგონისტები, ბეტა-ადრენობლოკატორები და СYP450 – ის ინჰიბიტორები (როგორიცაა რიფამპიცინი, ბარბიტურატები), არ ახდენენ გავლენას სილდენაფილის ფარმაკოკინეტიკაზე.

ორსულობა და ლაქტაცია: ,,ნეო-გრა’’ არ გამოიყენება ქალებში. ვირთაგვებსა და ბოცვრებზე ჩატარებულმა რეპროდუქციულმა გამოკვლევებმა აჩვენა, რომ სილდენაფილის პერორალური გამოყენება არ იწვევს ტერატოგენულ მოქმედებას, არ ახდენს გავლენას რეპროდუქციულ ფუნქციაზე და არ იწვევს ნაყოფის პოსტნატალური განვითარების და ახალშობილის განვითარების დარღვევებს. ნეო-გრას 100 მგ-მდე ერთჯერადად მიღებისას ჯანმრთელ ადამიანებში არ იცვლება სპერმატოზოიდების მოძრაობის უნარი და მორფოლოგია.

ზემოქმედება ავტომობილისა და სხვა მექანიზმების მართვის უნარზე: ავტომობილის და მექანიზმების მართვის დროს არ მოითხოვს უსაფრთხოების სპეციალური ზომების დაცვას.

ჭარბი დოზირება: სილდენაფილის ჭარბი დოზირებისას (800მგ-მდე) ვლინდება იგივე გვერდითი მოვლენები, რაც პრეპარატის მცირე დოზებით მიღებისას, მხოლოდ ჭარბი დოზირება ზრდის გვერდითი მოვლენების გამოვლენის სიხშირეს. საჭიროების შემთხვევაში ტარდება სიმპტომური მკურნალობა.

გამოშვების ფორმა: პირველადი შეფუთვა: 2 კაფსულა პვქ/ალუ კონტურულ-უჯრედულ შეფუთვაში;
მეორეული შეფუთვა: 1 ბლისტერი კოლოფში.  

ვარგისიანობის ვადა:   2 წელი.

შენახვის პირობები: ინახება მშრალ, სინათლისაგან დაცულ და ბავშვებისთვის მიუწვდომელ ადგილზე, ოთახის ტემპერატურის პირობებში.

გაცემის წესი: ფარმაცევტული პროდუქტის ჯგუფი III – გაიცემა რეცეპტის გარეშე.

გაზიარება: