დიკლოფენაკი ნეო 1% 25გ გელი

წამლის ფორმა : გელი.
ფარმაკოლოგიური ჯგუფი: არასტეროიდული ანთების საწინააღმდეგო საშუალება.

საერთაშორისო არაპატენტური დასახელება: დიკლოფენაკი 25გ-ზე:.

შემადგენლობა : 
აქტიური სუბსტანცია: ნატრიუმის დიკლოფენაკი – 0.25გ;
დამხმარე ნივთიერებები: დიეთილამინის ჰიდროქლორიდი, დიმეთილსულფოქსიდი, სპირტი 95%, მეთილპარაბენი, კარბოპოლი, წყალი, ნატრიუმის ჰიდროქსიდი, პიტნის ზეთი.

ფარმაკოლოგიური მოქმედება:
 
ფარნაკოდინამიკა: დიკლოფენაკი წარმოადგენს არასტეროიდულ ანთების საწინააღმდეგო საშუალებას ტკივილგამაყუჩებელი და სიცხის დამწევი მოქმედებით. 
პრეპარატის მოქმედების მექანიზმში მნიშვნელოვან როლს ასრულებს დიკლოფენაკის მიერ პროსტაგლანდინების ბიოსინთეზის ინჰიბირება, რაც დაკავშირებულია ფერმენტ ციკლოოქსიგენაზა 1-ს და ციკლოოქსიგენაზა 2-ს აქტივობის დათრგუნვასთან.
პრეპარატი ანთებით კერაში ამცირებს ტკივილს, შეშუპებას  და აუმჯობესებს მიკროცირკულაციას.
 
ფარმაკოკინეტიკა: ადგილობრივი გამოყენებისას ნაწილობრივ შეიწოვება კანით. დიკლოფენაკის რაოდენობა კანში პროპორციულია კონტაქტის დროის და დატანის ფართობის. ბიოშეღწევადობა არის – 6%, პლაზმის ცილებთან კავშირი 99.7% გამოიყოფა თირკმელებით. 

ჩვენებები: 
საყრდენ-მამოძრავებელი სისტემის ანთებითი და დეგენერაციული დაავადებები:
რევმატოიდული ართრიტი, ფსორიაზული, ქრონიკული ართრიტი, მაანკილოზებელი სპონდილიტი, პოდაგრული და სხვა მეტაბოლური ართრიტები, სახსრებისა და ხერხემლის ოსტეოართროზი;
რბილი ქსოვილების რევმატული დაზიანებები: სახსრების, კუნთების, მყესების, იოგების ტრავმული დაზიანებები.
რბილი ქსოვილების და და სახსრების პოსტტრავმული ანთება: დაჭიმვის, დატვირთვის და დაზიანების შედეგად.

გვერდითი მოვლენები: ალერგიული რეაქციები პრეპარატისადმი მომატებული მგრძნობელობის შემთხვევაში.
 
ადგილობრივი რეაქციები: ეგზემა, ფოტოსენსიბილიზაცია, კონტაქტური დერმატიტი (ჰიპერემია, აქერცვლა, ქავილი). 
ხანგრძლივი გამოყენებისას ან სხეულის დიდ ფართობზე დატანისას დიკლოფენაკის რეზორბციული მოქმედების შედეგად შესაძლოა გამოვლინდეს სისტემური
 
გვერდითი მოვლენები: თავბრუსხვევა, თავის ტკივილი, ტკივილი ეპიგასტრიუმის არეში. 
გვერდითი ეფექტების გამოვლენის შემთხვევაში პაციენტმა უნდა შეწყვიტოს პრეპარატის გამოყენება და მიმართოს ექიმს.

გამოყენების წესი და დოზირება: 
მოზრდილებსა და 12 წელზე მეტი ასაკის ბავშვებში გელი დაიტანება დაზიანებულ ადგილზე თხელ ფენად და მსუბუქად შეიზილება დღეში 3-4-ჯერ. 
იმის გათვალისწინებით, რომ გარეგანი გამოყენებისას დიკლოფენაკის მხოლოდ 6% შეიწოვება, ბავშვებში 6-დან 12-წლამდე გელი დაიტანება არაუმეტეს  დღეში 2-ჯერ ექიმის რეკომენდაციით. 
მკურნალობის ხანგრძლივობა დამოკიდებულია ჩვენებაზე და მკურნალობის ეფექტურობაზე (ეფექტის გაძლიერების მიზნით გელი გამოიყენება დიკლოფენაკის სხვა ფორმებთან ერთად). ექიმთან კონსულტაციის გარეშე მისი გამოყენება არ უნდა აღემატებოდეს 2 კვირას. 

დოზის გამოტოვება: პრეპარატის გამოყენების გამოტოვების შემთხვევაში გელის შემდგომი დოზის დატანა უნდა მოხდეს რაც შეიძლება მალე ან პირვანდელი სქემის მიხედვით.

უკუჩვენება: 
 
• მომატებული მგრძნობელობა სხვა არასტეროიდული ანთების საწინააღმდეგო საშუალებებისადმი. 
• პრეპარატი არ გამოიყენება ორსულობისა და ლაქტაციის პერიოდში. 
• 12 წლამდე ასაკის ბავშვებში პრეპარატის გამოყენება ექიმის რეკომენდაციის გარეშე რეკომენდებული არ არის.  
• კანის მთლიანობის დარღვევა. 

დოზის გადაჭარბება: 
პრეპარატის გარეგანი გამოყენებისას, დიკლოფენაკის დაბალი სისტემური აბსორბციის უნარიდან გამომდინარე, დოზის გადაჭარბება   პრაქტიკულად შეუძლებელია. 
დოზის გადაჭარბების შემთხვევაში შეიძლება ადგილობრივად გამოვლინდეს ალერგიული რეაქციები, წვა, ქავილი. 
მკურნალობა სიმპტომურია. 

ორსულობა და ლაქტაციის პერიოდი: პრეპარატის გამოყენება ორსულობისა და ლაქტაციის პერიოდში არ არის რეკომენდირებული.

ზემოქმედება ავტოტრანსპორტისა და მექანიზმების მართვის უნარზე: პრეპარატის გამოყენება გავლენას არ ახდენს ავტოტრანსპორტისა და მექანიზმების მართვის უნარზე.

ურთიერთქმედება სხვა სამკურნალო საშუალებებთან: პრეპარატი აძლიერებს ფოტოსენსიბილიზაციის გამომწვევი საშუალებების მოქმედებას. 
კლინიკურად მნიშვნელოვანი ურთიერთქმედება სხვა სამკურნალო საშუალებებთან აღწერილი არ არის. 
  
სიფრთხილე: პრეპარატის დატანის შემდეგ, გამოხატული ქავილისა  და წვის შეგრძნების შემთხვევაში, კანი ჩამოიბანეთ თბილი წყლით.

გამოშვების ფორმა:  
პირველადი შეფუთვა: 25 გ გელი ალუმინის ტუბში.
 
მეორეული შეფუთვა: ტუბი თავსდება მუყაოს კოლოფში ინსტრუქციასთან ერთად. 

ვარგისიანობის ვადა: 2 წელი.

ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.
 
შენახვის წესი: ინახება არაუმეტეს 15-25°c ტემპერატურულ პირობებში, სინათლისაგან დაცულ და ბავშვებისთვის მიუწვდომელ ადგილზე.

აფთიაქიდან გაცემის წესი: ფარმაცევტული პროდუქტის ჯგუფი - III (გაიცემა ურეცეპტოდ).

მწარმოებელი: შპს ,,ნეოფარმი”.

საქართველო. თბილისი. დავით აღმაშენებლის ხეივანი მე-12 კმ.
ტელ/ფაქსი: + 995 (32) 259-64-46; 259-57-90.