თეიმუროვი ნეო 35გ პასტა

დერმატოლოგიური პრეპარატი ანტისეპტიკური, გამშრობი და დეზოდორაციული მოქმედებით.
წამლის ფორმა: პასტა გარეგანი გამოყენებისთვის.
ათქ კოდი:  D08AD
საერთაშორისო სახელწოდება: Boric acid+Hexamethylentetramin+Sodium tetraborate+Salicylic acid+Plumbum acetate+Formaldegide+Zinc oxide.
შემადგენლობა: ბორის მჟავა – 0,9%; ნატრიუმის ტეტრაბორატი – 2,5%; სალიცილის მჟავა – 1,48%; თუთიის ჟანგი – 17%; ჰექსამეთილენტეტრამინი – 2,9%; ფორმალდეჰიდის ხსნარი – 2,5%; ტყვიის აცეტატი – 0,3%; ასკანის თიხა – 17,4%; გლიცერინი – 4,64%; პიტნის ან ლიმონის ზეთი – 0,6%; კარბოქსიმეთილცელულოზა - 0,1%; გამოხდილი წყალი – 49,68%.
ფარმაკოლოგიური ჯგუფი: დერმატოლოგიური პრეპარატი ანტისეპტიკური, გამშრობი და დეზოდორაციული მოქმედებით.
ფარმაკოლოგიური მოქმედება: კომბინირებული პრეპარატი, რომლის ფარმაკოლოგიურ ეფექტს განსაზღვრავს შემადგენელი კომპონენტების კომპლექსური მოქმედება: ბორის მჟავა და ნატრიუმის ტეტრაბორატი ახდენს ანტისეპტიკურ მოქმედებას, სალიცილის მჟავა – ანტიმიკრობულ, ანთების საწინააღმდეგო და კერატოპლასტურ მოქმედებას, თუთიის ჟანგი, ტყვიის აცეტატი და ასკანის თიხა – ადსორბციულ,  გამომშრობ მოქმედებას, ჰექსამეთილენტეტრამინი და ფორმალდეჰიდის ხსნარი – მადეზინფიცირებელ მოქმედებას.
                              
ჩვენება:
ოფლიანობა, კანის ზოგიერთი სოკოვანი დაავადება.
მიღების წესი და დოზირება:
გარეგანი საშუალება ადგილობრივი გამოყენებისთვის. პასტას შეიზელენ კანზე 1-3 წუთის განმავლობაში დაბანისა და გამშრალების შემდეგ 1-ჯერ დღეში, ყოველდღიურად 3-4 დღის განმავლობაში.
უკუჩვენება:
•    მომატებული მგრძნობელობა პრეპარატის შემადგენელი კომპონენტების მიმართ;
•    თირკმელების ქრონიკული დაავადებები;
•    ორსულობა და ლაქტაციის პერიოდი;
•    ბავშვთა ასაკი.
•    ტერფის მწვავე ანთებითი დაავადებები.
გვერდითი მოვლენები:
იშვიათად – ალერგიული რეაქციები.
გვერდითი ეფექტების გამოვლენის შემთხვევაში პაციენტმა უნდა შეწყვიტოს მკურნალობა და მიმართოს ექიმს.
იმ გვერდითი ეფექტების გამოვლენის შემთხვევაში, რომლებიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს.
ორსულობისა და ლაქტაციის პერიოდი: არ გამოიყენება.
ურთიერთქმედება სხვა სამკურნალო საშუალებებთან ან სხვა სახის ურთიერთქმედება: არ არის შესწავლილი.
ზემოქმედება ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე: არ ახდენს ზემოქმედებას.
სიფრთხილე: არ არის რეკომენდებული თეიმუროვის პასტის გამოყენება ზედაპირის დიდ ფართობზე, ასევე კანის ანთებითი დაავადების დროს.
ჭარბი დოზირება: ხანგრძლივი გამოყენებისას ზედაპირის დიდ ფართობზე შეიძლება გამოვლინდეს დოზის გადაჭარბების სიმპტომები: თავის ტკივილი, გულისრევა, ღებინება, გონების დაბინდვა, დიარეა, კანის ქავილი. ამ შემთხვევაში პრეპარატის გამოყენება უნდა შეწყდეს და უნდა მივმართოთ ექიმს.
                        
შეფუთვა: 35გ პოლიმერული მასალის ფლაკონში ან 30გ ალუმინის ტუბში.
შენახვა: ინახება გრილ პირობებში (8-15°C ტემპერატურაზე), სინათლისაგან დაცულ და ბავშვებისთვის მიუწვდომელ ადგილზე.
ვარგისიანობის ვადა: ერთი წელი.
ვარგისობის ვადის გასვლის ან ვიზუალური დათვალიერების შედეგად აღმოჩენილი დეფექტების შემთხვევაში პრეპარატის გამოყენება დაუშვებელია!
გაცემის წესი: ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.