×
მედიკამენტები
ჰიგიენური საშუალებები
თავის მოვლა
Beurer - აპარატები
საბავშვო
შეთავაზებები
ფილიალები
neoshop

ეთილის სპირტი 95% 100მლ

3 GEL

ბრენდი
ნეოფარმი
ფასი
3 GEL
ქვეყანა
საქართველო
დეტალური აღწერა:

წამლის ფორმა:  გარეგანი გამოყენების ხსნარი.


საერთაშორისო სახელწოდება: ეთანოლი.

ათქ კოდი: D08AX.

შემადგენლობა: ეთილის სპირტი 96% - 98,96მლ/100მლ.

ფარმაკოთერაპიული ჯგუფი: ანტისეპტიკური, სადეზინფექციო საშუალება გარეგანი გამოყენებისთვის.

ფარმაკოლოგიური მოქმედება:
გარეგანი გამოყენებისას ხასიათდება ანტიმიკრობული მოქმედებით. აქტიურია გრამდადებითი და გრამუარყოფითი ბაქტერიებისა და ვირუსების მიმართ. ახდენს მიკროორგანიზმების ცილების დენატურირებას. ანტისეპტიკური აქტივობა ძლიერდება ეთანოლის კონცენტრაციის გაზრდით. კანის დასამუშავებლად გამოიყენება 70%-იანი სპირტი, რომელიც უფრო ღრმად აღწევს ეპიდერმისში, ვიდრე 95% სპირტი.
ეთილის სპირტი წარმოადგენს გამხსნელს რიგი სამკურნალო საშუალებებისთვის, ასევე, ექსტრაგენტს მცენარეული ნედლეულის შემადგენლობაში შემავალი ნივთიერებებისთვის.

ჩვენება: გამოიყენება
•    კანის, ხელების სადეზინფექციოდ;
•    კომპრესებისათვის;
•    ნაყენების, ექსტრაქტების, გარეგანი გამოყენების ხსნარების მოსამზადებლად.

გვერდითი მოვლენები:
ხშირი გამოყენებისას იწვევს კანისა და ლორწოვანი გარსების გაღიზიანებას და გამოშრობას.

გვერდითი ეფექტების გამოვლენის შემთხვევაში პაციენტმა უნდა შეწყვიტოს მკურნალობა და მიმართოს ექიმს.
იმ გვერდითი ეფექტების გამოვლენის შემთხვევაში, რომლებიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს ან ფარმაცევტს.

უკუჩვენება:
ადგილობრივი გამოყენებისას - კანისა და ლორწოვანი გარსების მწვავე ანთებითი პროცესები.

მიღების წესი:
გამოიყენება სხვადასხვა კონცენტრაციის ხსნარის სახით (95%,  90%, 70% და 40%) გარეგანად, ზედაპირის დასამუშავებლად, ასევე ნაყენების, ექსტრაქტების, გარეგანი გამოყენების ხსნარების მოსამზადებლად.

სიფრთხილის ზომები: კომპრესებისთვის (დამწვრობის თავიდან ასაცილებლად) ეთანოლი საჭიროა განზავდეს წყლით თანაფარდობით 1 : 1;
პრეპარატი შიგნით მიღებისას იწვევს მოგრძო ტვინის და სუნთქვის ცენტრის დათრგუნვას!
              
განსაკუთრებული მითითებები და გამოყენება პედიატრიაში: გარეგანი გამოყენებისას ეთანოლი ნაწილობრივ შეიწოვება, რაც გათვალისწინებული უნდა იქნას მისი ბავშვებში გამოყენებისას.

ურთიერთქმედება სხვა სამკურნალო საშუალებებთან ან სხვა სახის ურთიერთქმედება: არ არის გამოვლენილი ადგილობრივი გამოყენებისას.
 
ზემოქმედება ავტომობილის მძღოლებზე და პოტენციურად საშიშ მანქანა-დანადგარებთან მომუშავე პერსონალზე: გარეგანი გამოყენებისას არ ახდენს გავლენას.

დოზის გადაჭარბება: გარეგანი გამოყენებისას დოზის გადაჭარბების შემთხვევები არ არის გამოვლენილი.

გამოშვების ფორმა:
50, 100 მლ ნარინჯისფერი მინის ან მუქი შეფერილობის პოლიმერული მასალის ფლაკონებში.

გაცემის წესი: ფარმაცევტული პროდუქტის ჯგუფი III – (გამოყენება შესაძლებელია ექიმის დანიშნულების გარეშე).

ვარგისიანობის ვადა: 3 წელი.
ვარგისობის ვადის ამოწურვის ან ვიზუალური დათვალიერებისას დეფექტის
აღმოჩენის შემთხვევაში პრეპარატის გამოყენება დაუშვებელია.

შენახვის პირობები: ინახება 15-25˚С ტემპერატურის პირობებში, სინათლისაგან    
დაცულ და ბავშვებისთვის მიუწვდომელ ადგილზე.

მწარმოებელი: შპს ,,ნეოფარმი'',
საქართველო, თბილისი, დავით აღმაშენებლის ხეივანი მე-12 კმ.
ტელ/ფაქსი: +995 (32) 259-57-90, 259-64-46

გაზიარება: