×
ჰიგიენური საშუალებები
მედიკამენტები
თავის მოვლა
კოსმეტიკა
Beurer - აპარატები
საბავშვო
შეთავაზებები
ფილიალები
აქცია
neoshop

გინკგო ბილობა ნეო N30 კაფს

14.5 GEL

ბრენდი
ნეოფარმი
ფასი
14.5 GEL
ქვეყანა
საქართველო
დეტალური აღწერა:
საერთაშორისო დასახელება: გინკგო ბილობა (Ginkgo Biloba).
ATC Code: N06DX02.
წამლის ფორმა: კაფსულები. 
შემადგენლობა: გინკგო ბილობას ფოთლების მშრალი ექსტრაქტი _ 40მგ (24% ფლავონური გლიკოზიდებით, 6% ტერპენ ლაქტონებით).
დამხმარე ნივთიერებები: მაგნიუმის კარბონატი, ლაქტოზა, პოვიდონი, აეროსილი.      
ფარმაკოთერაპიული ჯგუფი: მცენარეული წარმოშობის ანგიოპროტექტორული საშუალება.
კლინიკო-ფარმაკოლოგიური ჯგუფი: ტვინისა და პერიფერიული სისხლის მომოქცევის გამაუმჯობესებელი საშუალება.
ფარმაკოლოგიური მოქმედება: ,,გინკგო ბილობა ნეო’’ მცენარეული წარმოშობის პრეპარატია. ექსტრაქტის აქტიური ნივთიერებები - ფლავონური გლიკოზიდები, ტერპენ ლაქტონები (გინკგოლიდები და ბილობალიდები) აწესრიგებენ ნივთიერებათა ცვლას უჯრედებში, აუმჯობესებენ სისხლის რეოლოგიურ მაჩვენებლებს და მიკროცირკულაციას. პრეპარატს ახასიათებს ქსოვილებზე ანტიჰიპოქსიური მოქმედება: ტვინსა და პერიფერიულ ქსოვილებს ამარაგებს ჟანგბადითა და გლუკოზით, აუმჯობესებს სისხლის მიმოქცევას ტვინში, აქვს ცერებროპროტექტორული მოქმედება, ხელს უწყობს სისხლძარღვების კედლების გამტარობის შემცირებას (შეშუპების საწინააღმდეგო მოქმედება თავის ტვინსა და პერიფერიულ ქსოვილებში), ხელს უშლის თრომბოციტების აგრეგაციას.
ჩვენებები: 
სხვადასხვა ეტიოლოგიის დისცირკულაციური ენცეფალოპათია (ინსულტი, ქალა-ტვინის ტრავმა, ხანდაზმულობის ასაკი), რომელსაც თან ახლავს:
 • ყურადღების დაქვეითება; 
 • მეხსიერების შესუსტება;
 • ინტელექტუალური შესაძლებლობების დაქვეითება; 
 • შიშის შეგრძნება; 
 • ძილის დარღვევა;
პერიფერიული სისხლის მიმოქცევის და მიკროცირკულაციის დარღვევა (მათ შორის ქვედა კიდურების არტერიოპათია); 
რეინოს სინდრომი;
ნეიროსენსორული დარღვევები (თავბრუსხვევა, ყურებში შუილი, ჰიპოაკუზია).
უკუჩვენებები: სისხლის დაქვეითებული შედედების უნარი; კუჭისა და თორმეტგოჯა ნაწლავის წყლულოვანი დაავადება; ეროზიული გასტრიტი; ტვინში სისხლის მიმოქცევის მწვავე დარღვევა; მიოკარდიუმის მწვავე ინფარქტი; არტერიული ჰიპოტენზია; 18 წლამდე ასაკი; მომატებული მგრძნობელობა პრეპარატის შემადგენელი კომპონენტების მიმართ; ორსულობისა და ლაქტაციის პერიოდი.
განსაკუთრებული მითითებები: არ არის რეკომენდებული პრეპარატთან ერთად ალკოჰოლის მიღება.
ორსულობისა და ლაქტაციის პერიოდში პრეპარატის მიღება არ არის რეკომენდებული, თუმცა დადგენილი არ არის ნაყოფზე მისი უარყოფითი გავლენა.
გვერდითი მოვლენები: იშვიათ შემთხვევებში შესაძლებელია გამოვლინდეს ალერგიული რეაქციები (გამონაყარი კანზე), დისპეფსია, თავის ტკივილი, სისხლის შედედების დაქვეითება. 
მიღების წესი და დოზირება: მიიღება პერორალურად წყლის მიყოლებით. 
მიიღება 1-2 კაფსულა 3-ჯერ დღეში. მდგომარეობის გაუმჯობესება აღინიშნება ერთი თვის შემდეგ. მკურნალობის ხანგრძლივობა - არანაკლებ 3 თვე. საჭიროებისას, შესაძლებელია განმეორებითი კურსის ჩატარება (ექიმთან კონსულტაციის შემდეგ).
დოზის გადაჭარბება: პრეპარატის დოზის გადაჭარბების შემთხვევები აღწერილი არ არის.
სხვა სამკურნალო საშუალებებთან ურთიერთქმედება: არ არის რეკომენდებული ,,გინკგო ბილობა ნეო’’-ს ერთდროული მიღება აცეტილსალიცილის მჟავას ან ანტიკოაგულანტებთან ერთად.
ზემოქმედება ავტოტრანსპორტისა და მექანიზმების მართვის უნარზე: პრეპარატის მიღება არ ახდენს გავლენას ავტოტრანსპორტისა და მექანიზმების მართვის უნარზე.
გამოშვების ფორმა: პირველადი შეფუთვა: 10 კაფსულა პვქ/ალუ ბლისტერზე. 
მეორეული შეფუთვა: 3 ბლისტერი მოთავსებული მუყაოს კოლოფში ინსტრუქციასთან ერთად.
ვარგისობის ვადა:3 წელი.
ვარგისობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში პრეპარატის გამოყენება დაუშვებელია.
შენახვა: ინახება არა უმეტეს 25°C  ტემპერატურის პირობებში, სინათლისაგან დაცულ, მშრალ და ბავშვებისთვის მიუწვდომელ ადგილზე.
აფთიაქიდან გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი: შპს ,,ნეოფარმი''. 
საქართველო. თბილისი. დავით აღმაშენებლის ხეივანი მე-12 კმ. 
ტელ/ფაქსი: +995 (032) 259-64-46; 259-57-90. 

გაზიარება: