აბუსალათინის ზეთი - 50 მლ

GEL 3.3
ბრენდი
ნეოფარმი
ფასი
GEL 3.3
ქვეყანა
საქართველო
ნანახია
94

გაზიარება:

დეტალური აღწერა:

საფაღარათო საშუალება

 
 
ათქ კოდი:    A06АB05
 
საერთაშორისო არაპატენტირებული სახელწოდება: Castor oli
 
წამლის ფორმა: ზეთი შინაგანი და გარეგანი გამოყენებისთვის.
 
აღწერა: უფერო ან ღია ყვითელი შეფერილობის, გამჭვირვალე ზეთი სპეციფიკური სუნით.  
 
შემადგენლობა: აბუსალათინის ზეთი - 50მლ.
 
ფარმაკოლოგიური ჯგუფი: მცენარეული წარმოშობის საფაღარათო საშუალება.
 
ფარმაკოლოგიური მოქმედება: თორმეტგოჯა ნაწლავის ტუტე გარემოში ლიპაზას ზემოქმედებით აბუსალათინის ზეთისგან წარმოიქმნება რიცინოლის მჟავა, რომელიც 0,5მლ/ლ კონცენტრაციის პირობებში აღიზიანებს ნაწლავების რეცეპტორებს და რეფლექტორულად აძლიერებს მის პერისტალტიკას. აბუსალათინის ზეთის ზემოქმედებით წყდება ელექტროლიტებისა და მათთან ერთად წყლის აბსორბცია ნაწლავის კედლებში, ძლიერდება წყლის სეკრეცია და იზრდება ნაწლავების შიგთავსის მოცულობა. ეს აძლიერებს მის მოტორიკას, აჩქარებს ნაწლავების დაცლის პროცესს. საფაღარათო ეფექტი ვლინდება მიღებიდან 2-6 სთ-ის შემდეგ. 4გ ზეთის მიღების შემთხვევაში რიცინოლის მჟავის აბსორბცია შეადგენს 100%-ს, 50გ ზეთის მიღების შემთხვევაში - მხოლოდ 36%-ს, 60გ ზეთის მიღების შემთხვევაში კი - 10%-ს. საფაღარათო ეფექტის მისაღებად საჭიროა 10გ ზეთის მიღება. 
პრეპარატის გამოყენებისას ასევე აღინიშნება საშვილოსნოს კუნთის რეფლექტორული შეკუმშვა.   
აბუსალათინის ზეთი წარმოადგენს მონოუჯერი ბუნების ცხიმოვან მჟავებს. ის უნიკალურია ცხიმებსა და ზეთებს შორის, რადგან არის 18-ნახშირბადიანი ჰიდროქსილის ჯგუფისა და ერთი ორმაგი ბმის მქონე ცხიმოვანი მჟავების ერთადერთი წყარო. შეიცავს დაახლოებით 87% რიცინოლის მჟავას, ასევე პალმიტინის, ოლეინის, ლინოლის მჟავებს, რომლებიც ძალიან კარგად შეიწოვება კანის ზედაპირიდან და ხელს უწყობენ თმის ძირების კვებას, გაძლიერებას, თმის ზრდას.
  
ჩვენება: 
• მწვავე ყაბზობა;
• მოწამვლა;
• კვებითი ინტოქსიკაცია;
 
გამოყენების წესი და დოზირება: 
როგორც საფაღარათო საშუალება, მოზრდილებში მიიღება 15-30მლ (1-2 სუფრის კოვზი) დღეში 1-ჯერ, ბავშვებში 12-დან 14 წლამდე: 5-15 მლ (1-3 ჩაის კოვზით) დღეში.  
მკურნალობა უნდა გაგრძელდეს 4-7 დღის განმავლობაში. 
 
სიფრთხილის ზომები:
რეკომენდირებულია აბუსალათინის ზეთის, როგორც საფაღარათო საშუალების, გამოყენება არაუმეტეს 3 დღის განმავლობაში. 
აბუსალათინის ზეთის ხანგრძლივმა გამოყენებამ შეიძლება გამოიწვიოს საჭმლის მონელების დარღვევა, ასევე A  და D  ვიტამინების შეწოვის შემცირება და შესაბამისად - ჰიპოვიტამინოზი.  
 
გვერდითი მოვლენები: 
• ტკივილი მუცლის არეში, გულისრევა;
• საჭმლის მონელების დარღვევა, ხშირი გამოყენების შემთხვევაში – ენტეროკოლიტი, A და D  ჰიპოვიტამინოზი;
 
უკუჩვენებები: 
• ქრონიკული ყაბზობა;
• ნაწლავების მწვავე ანთება (მათს შორის, აპენდიციტი);
• უცნობი ეტიოლოგიის ტკივილი მუცლის არეში;
• ორსულობა და ლაქტაციის პერიოდი;
• 12 წლამდე ბავშვთა ასაკი;
 
ურთიერთქმედება სხვა სამკურნალო საშუალებებთან: 
ცხიმში ხსნად ვიტამინებთან ერთად მიღება ამცირებს A, D და K ვიტამინების აბსორბციას. 
მ-ქოლინობლოკატორული საშუალებები (ანტიპირინი, პლატიფილინი), სპაზმოლიზური საშუალებები (პაპავერინი, დროტავერინი) ამცირებენ აბუსალათინის ზეთის მოქმედებას. 
ანტიქოლინესთერაზული საშუალებები (ნეოსტიგმინი, რივასტიგმინი) და გლიცერინი აძლიერებენ აბუსალათინის ზეთის მოქმედებას.
 
ჭარბი დოზირება: აბუსალათინის ზეთის 7გ/კგ-ზე მიღების შემთხვევაში აღინიშნება ჭარბი დოზირების სიმპტომები: ტკივილი მუცლის არეში, გულისრევა, ღებინება, ფაღარათი, თავბრუსხვევა. 
ანტიდოტად გამოიყენება ატროპინის სულფატი და ლოპერამიდი.  
ჭარბი დოზირების შემთხვევაში აუცილებელია ზეთის გამოყენების შეწყვეტა და დიდი რაოდენობით სითხის მიღება.  
 
გამოყენება პედიატრიაში: აბუსალათინის ზეთი არ ინიშნება 12 წლამდე ასაკის ბავშვებში საჭმლის მომნელებელი სისტემის გამღიზიანებლისადმი მაღალი მგრძნობელობის და დეჰიდრატაციის შესაძლო განვითარების გამო. 
 
ორსულობა და ლაქტაცია: პრეპარატის გამოყენება არ არის რეკომენდებული ორსულობისა და ლაქტაციის პერიოდში.
 
გავლენა ავტოტრანსპორტისა და მექანიზმების მართვის უნარზე: არ ახდენს ზემოქმედებას ავტოტრანსპორტისა და მექანიზმების მართვის უნარზე. 
 
გამოშვების ფორმა: 50მლ ზეთი მუქი ნარინჯისფერი შეფერილობის პოლიმერული მასალის ან მინის ფლაკონებში; 
 
გაცემის წესი: ფარმაცევტული პროდუქტის ჯგუფი – III  (გაიცემა ურეცეპტოდ). 
 
ვარგისიანობის ვადა: 3 წელი.
 
შენახვის პირობები: ინახება 8-15C ტემპერატურის პირობებში, სინათლისგან დაცულ და ბავშვებისთვის მიუწვდომელ ადგილზე. 
ვარგისობის ვადის ამოწურვის შემდეგ ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.